Einu sinni verður allt fyrst

Jæja, aldrei datt mér nú í hug að ég færi að blogga!!! En einu sinni verður allt fyrst, og maður verður víst aldrei of gamall til að læra.

Mig hefur lengi langað til að leggja orð í belg á þessum síðum, en kjarkinn hefur skort þar sem ég er nú ekki sú allra allra besta í öllu því sem snýr að tölvum og tólum.  Öll þessi orð sem ég veit bara ekkert hvað þýða - og allir þessir möguleikar - ja minn gamli heili er bara orðinn svo hægfara og götóttur, að ég á í mestu vandræðum með að muna þetta allt.  En nú skal á brattann sækja, klæðast herklæðum og leggjast í víking inn í tölvuheima bloggaranna!! Og skal byrjað á að lesa sér til - skrifa það svo á litla gula/rauða/bláa og græna miða - hengja þá upp á tölvugarminn, svo allt sé nú í "sjón" fjarlægð  - og hefja skriftir.  Sjáumst (heyrumst - eða hvað maður nú segir hér) því fljótlega aftur.

Athugasemdir

[Steina Margrét (IP-tala skráð) 17.9.2007 kl. 11:14]

Til lukku með bloggið, mikið hlakka ég til að lesa meira, nógu gaman er nú að kíkja í kaffi til þín á morgnana þannig að þetta reddar öllu þar á milli

[gugga (IP-tala skráð) 18.9.2007 kl. 08:38]

jæja gamla - brettu upp ermarnar og reyndu að skrifa eitthvað skemmtileg....það er fylgst með þér.

Örverpið 

[Rúna BRúna (IP-tala skráð) 25.9.2007 kl. 05:11]

Jááá, alveg ljómandi hjá þér góða mín!!!

[Guðni Þór Björgvinsson, 26.9.2007 kl. 14:34]

Ég tek undir með henni móður minni, það er eins gott að þú standir þig í skrifunum því við erum öll að fylgjast með! 

Hvenær á svo að bjóða manni í heimsókn???

Kv, örverpissonurinn.